如果唔係xanga team send e-mail 過來提我 , 我都唔記得左我仲有個xanga account .....
見近來去完旅行 ,咁就令我個xanga 復活下(應下節)~
今次已經係同sandy 第3次去旅行lu , 其實去得成真係勁好彩 , 因為我地係出發前一星期先去book 機票.....
台中 + 高雄 三日兩夜之旅
唔好意思 , 又係台灣 ......
===第一日===
一出台中清泉崗機場 , 第一感覺係 "真係小得可憐......"
但係重點不在於大小 , 而係佢"不方便的程度" .... 開頭以為有大把公車去市區la , 點知...... 星期日無車law =_="
結果搭的士....
******
其實上, 編行程係我弱項 , 因為我個人本身都太無plan 了...... 今次破天荒決定左去一個勁崎嶇ge地方 ---->清境農場
第一站 --- 清境
去之前勁有期望咁想去睇綿羊 , 點知去到已經太遲了 , 無車上山睇綿羊不特止 , 仲要開始落雨tim ....(唉 , 出師不利)
 <-開頭都仲清清地~
既然去唔到睇綿羊 , 唯有轉去小瑞士花園睇花~
 <-好大霧呀
但係d 花真係好靚wow ----->
其實搭車上山果條路都真係超陡峭 , 勁驚.....
第二站 --- 逢甲夜市
逢甲夜市比六合夜市好多了 , 而且都幾熱鬧~ 可能近來睇《鬥牛要不要》睇上腦 , 所以成日都想試 "黑輪 " 的味道~
今次終於都有得試la~
 <-黑輪
另外見到有一檔好似好多人排隊ge 烤醉蝦 ( 賣點係 "免脫殼" , 原來係佢唔脫殼去燒... )
再食左一檔麻辣臭豆腐..... 呢個係我認為成個旅程最好味ge食物! 果種麻辣 , 第一口係覺得無感覺 , 但係越食越辣...但係當你停一停口 , 等一陣再食又會覺得唔辣wow ....味道層次好豐富!
好特別~係有湯ga~
 <-檔口有鏡,可以自拍~
最後仲買左大腸包小腸返酒店食~
第三站 --- Hotel One
成個旅程ge重頭戲就係~~~酒店la~ 呢係被喻為成個台中最高同最高級ge酒店, 真係名不虛傳!
一開電視 , 即係係螢幕度見到自己個名!!!(超感動! )
仲要好體貼咁印埋我ge卡片! (成世人第一次有卡片)
個浴室仲要有電視睇~~ (留意左上角)
間房仲要有埋三腳插頭同printer~體貼到呢.....
 <-搭lift係要先用門鎖卡"do"左先按到你要去ge樓層ga~
窗外夜景~
(待續) | 
